Մեր Մասին

Գանատայի Հայ Աւետարանչական Ընկերակցութիւնը (ԳՀԱԸ) Պետականօրէն ճանաչում ստացած բարեսիրական կազմակերպութիւն մըն է: Մենք մեր արտօնագիրը #890624190 RC0001 ստացած ենք 7 Սեպտեմբեր, 1984-ին:

1) ԳՀԱԸ-ի նպատակն է օգնել Հայաստանի եւ սփիւռքի մեր ժողովուրդին որպէսզի աճին իրենց քրիստոնէական կեանքին մէջ եւ քաջալերել զանոնք հաստատ մնալու իրենց նախահայրերու հաւատքին մէջ:
2) 1991-ին Հայաստանը դարձաւ անկախ հանրապետութիւն եւ շատ մը ընկերա-տնտեսական հարցեր յառաջ եկան: ԱՀԱԸ-ի հետ մենք կը նպատակադրենք օժանդակել մեր քոյրերուն եւ եղբայրներուն, իրենց հոգեւոր եւ նիւթական հարցերը լուծելու, մեր ծառայութիւններով:
3) ԳՀԱԸ կը հաւատայ, որ զօրաւոր հոգեկան եւ հոգեւոր հիմք մը կենսական է լաւ ընկերութիւն մը կառուցելու համար:
4) Մենք կը փորձենք օգնել մեր ժողովուրդին բարելաւելու համար իրենց կեանքը, անոնց հայթայթելով դրամական, կրթական, մշակութային եւ աշխատանքային օժանդակութիւն: Մեր կիզակէտը մանուկներու բարօրութիւնն է, թէեւ ընկերութեան տարբեր շերտեր նաեւ կ՛օգտուին մեր ծառայութիւններէն: