Սեպտեմբեր 19-ին, Գանատայի տարբեր կողմերէն հայ աւետարանականներ համախմբուեցան Քինկսթըն՝ մասնակցելու Հայ Աւետարանական Օրուան, որ կազմակերպուած էր Գանատայի Հայ Աւետարանչական Ընկերակցութեան կողմէ։ Օրուան ընթացքին տեղի ունեցան երեք ձեռնարկներ, որոնք միաւորեցին պաշտամունքը, ծառայութիւնը, հաղորդակցութիւնը եւ պատմութիւնը։
Առաւօտեան պաշտամունքի արարողութիւնը նուիրուած էր Հայ Աւետարանական Եկեղեցւոյ 180-ամեակին։ Հովիւ Արա Պալեքճեան բաժնեկցեցաւ Քրիստոսի միջոցով իր դարձի եւ կեանքի փոխակերպման ազդեցիկ վկայութիւնը, իսկ գլխաւոր բանախօս՝ Վեր. Րաֆֆի Մեսերլեան, անդրադարձաւ Հայ Աւետարանական շարժումի պատմութեան, Հայկական Վերածնունդին, անոր կրթութեան եւ աւետարանչութեան ժառանգութեան, ինչպէս նաեւ AMAA-ի եւ AMAC-ի կարեւոր դերակատարութեան։
AMAC-ի Տարեկան Անդամական Ժողովը տեղի ունեցաւ յետմիջօրէին՝ ներառելով զեկուցումներ եւ Խորհուրդի երեք նոր անդամներու ընտրութիւնը՝ Ալեքս Քալեմքերեան, Կարօ Մելիքեան եւ Զէլա Սարմազեան։ Շնորհակալութիւն յայտնուեցաւ Խորհուրդի հեռացող անդամներուն՝ Խաչիկ Օհանէսեանին, Յարութ Ներսէսեանին եւ Սեդա Զօրայեանին՝ իրենց ծառայութեան համար։
Երրորդ ձեռնարկը Քինկսթընի պատմական վայրերուն տրոլէյով շրջագայութիւնն էր, որու ընթացքին մասնակիցները վայելեցին քաղաքին տեսարժան վայրերն ու պատմութիւնը՝ մասնագէտ ուղեկցորդի մը առաջնորդութեամբ։
Այս երեք փորձառութիւնները միասին Հայ Աւետարանական Օրը դարձուցին հաւատքի, ժառանգութեան, հաղորդակցութեան եւ շարունակական առաքելութեան յիշարժան տօնակատարութիւն մը։
Ամբողջական յօդուածը կրնաք կարդալ այստեղ՝
A Day of Faith, Fellowship and Mission: Armenian Evangelical Day in Kingston
